 |
Massakkorpiaq piniartut, aalisartut allallu pinngortitamik avatangiisinillu soqutigisaqartut Namminersorlutik Oqartussanik pisuussutinik uumassusilinnik aqutsinermik misileraanermut peqataapput. Pilersaarummi tassani pisuussutinik uumassusilinnik najukkamut tunngatillugu nalunaarsuillunilu aqutsinissaq siunertaavoq. Misileraaneq Kitaanin Qeqertarsuup tunuani Uummannallu eqqaani nunaqarfinni illoqarfinnilu aalajangersuni ingerlanneqarpoq.
|
“Piniartut aalisartullu qanoq pisoqarnera ilisimasaqarfigisorujussuuvaat. Ukiormi kaajallallugut pisuussutinik uumassusilinnik taakkua atuisuupput. Isumaqarpugut inuit tamakkua ilisimasaat, peqqissaartumik katersorneqarunik, pisuussutinik uumassusilinnik aqutsinermut iluaqutaasorujussuanngorsinnaasoq….” Hans-Peder Christensen, Aasiaat Servicecenter, Qaasuitsup Kommunianeersoq oqarpoq.
|
 |
|
Paasissutissat amerlanerusut nittartakkami uani takuneqarsinnaapput:
|
|
“Piniarniareerluta aalisariareerlutalu naapikkaangatta takusimasagut oqallisigigajuppagut. Uumasut ilaat qaqutigoornerulersimapput. Ilaat sivisuumik tammakarsimasimagaluarlutik uteriaqqissimapput. Ilaallut qangarnit amerlanerullutik uteriarsimallutik …” Lars Olsen, Akunnaameersoq oqarpoq.
|
 |
|
“Sikuusarnera allanngorpoq. Taamaalineralu maani sunut tamanut sunniuteqarpoq. Piniariarlutalu aalisariaraangatta timmiarpassuit, puisit uumasullu allaat takusarpagut. Suut takusagut allattartarpagut – oqalligisisarparpullu tamanna qanoq isumaqarnersoq. Neriuppugut takusartakkagut uagullu ilisimasagut Namminersorlutik Oqartussat isumatuunik aalajangiisarnissaannut iluaqutaasinnaajumaartut…” Karl Tobiassen, Qaarsuneersoq oqarpoq.
|
 |
